Komunikatë për Media – I dënojmë fuqishëm sulmet e pabazuara ndaj abatit të Manastirit të Deçanit
I dënojmë fuqishëm sulmet e pabazuara të Këshillit për Mbrojtjen e të Drejtave dhe Lirive të Njeriut në Kosovë (KMDLNJ) ndaj abatit të Manastirit të Deçanit, o.Sava Janjiq. Ndihma dhe mbrojtja e ofruar për refugjatët shqiptarë në Manastirin e Deçanit gjatë vitit 1999 është një shembull unik i njerëzimit në çmendurinë e luftës.
Deklarata e lëshuar nga KMDLNJ nuk mbështet pretendimet e këtij Këshilli dhe zyrtarëve të Kosovës se Manastiri i Deçanit dhe komuniteti serb në Kosovë nuk janë të rrezikuar, dhe se regjistrimi i manastireve në mesin e shtatë monumenteve kulturore më të rrezikuara në Evropë të organizuara nga Federata Pan-Evropiane Europa Nostra është i pajustifikuar. Përkundrazi.
Duke sulmuar o.Sava Janjiq me akuza të rënda dhe të pabazuara, Këshilli i të Drejtave dhe Lirive të Njeriut në Kosovë dëmton të gjitha përpjekjet për të ndërtuar me përpikëri marrëdhënie më të mira ndëretnike midis shoqërisë shqiptare dhe serbe në Kosovë. Theksojmë se e njëjta organizatë në të kaluarën është spikatur në përhapjen e lajmeve të rreme dhe urrejtjes ndëretnike, kryesisht të drejtuara ndaj komunitetit serb në Kosovë.
Ne kërkojmë nga institucionet e Qeverisë së Kosovës dhe përfaqësuesit ndërkombëtarë në Kosovë që të dënojnë qartë qëndrimet e Këshillit për Mbrojtjen e të Drejtave dhe Lirive të Njeriut në Kosovë dhe të sigurojnë të gjithë mbrojtjen dhe mbështetjen e nevojshme për o.Sava Janjiq dhe Manastirin e Deçanin.
Nënshkruesit:
Instituti për zhvillim ekonomik territorial – InTER OJQ Aktiv ACDC Iniciativa e re shoqërore (NSI) Qendra për Zhvillimin e Komuniteteve (CRZ) OJQ Link Radio Gorazhdeci Bota Bardh e Zi (CBS) Qendra për Nisma Sociale Radio Kontakt plus RTV KiM Produkcioni New Press Center for the Right od Minority Communities (CRMC) Gracanica Online Forumi për zhvillim dhe bashkëpunim multietnik (FDMC)
