Kush jemi ne
Iniciativa e Re Sociale – NSI është organizatë e shoqërisë civile që punon në Kosovë, por bashkëpunon edhe me palët kryesore të interesit në rajonin e Ballkanit Perëndimor, për të ndikuar përfundimisht në përfshirjen, ndërtimin e besimit, proceset e demokratizimit dhe qeverisjen e mirë në Kosovë. Duke vepruar kështu, NSI ndjek vizionin e saj për një shoqëri gjithëpërfshirëse të ndërtuar mbi besimin dhe vlerësimin mes komuniteteve, në të cilën qytetarët nga të gjitha grupet etnike marrin pjesë aktivisht në shoqëri dhe në qeverisjen e saj.
NSI përpiqet të krijojë ndikim dhe të sjellë ndryshim duke fuqizuar komunitetin që përfaqëson – një komunitet joshumicë i pranishëm në gjithë Kosovën – për pjesëmarrje në jetën shoqërore dhe institucionale të Kosovës, si dhe duke rritur besimin mes komuniteteve. NSI beson se ndryshimi i pozitës së komunitetit serb të Kosovës dhe i marrëdhënies së tij me komunitetin shumicë është një nga kontributet kryesore për gjithëpërfshirjen dhe demokratizimin e shoqërisë kosovare.
Misioni
NSI është organizatë e shoqërisë civile që fuqizon komunitetet joshumicë për pjesëmarrje në jetën shoqërore dhe institucionale të Kosovës dhe rrit besimin mes komuniteteve duke mbështetur ballafaqimin me të kaluarën dhe normalizimin e marrëdhënieve mes Beogradit dhe Prishtinës.
Vizioni
Vizioni i Iniciativës së Re Sociale është një shoqëri gjithëpërfshirëse e ndërtuar mbi besimin dhe vlerësimin mes komuniteteve në Kosovë dhe pjesëmarrja aktive e qytetarëve nga grupe të ndryshme etnike / komunitete joshumicë.
Çfarë na udhëheq
Integriteti
Ne nuk flasim vetëm – ne veprojmë. Ajo që mendojmë, themi dhe bëjmë si organizatë udhëhiqet nga të njëjtat vlera.
Profesionalizmi
Synojmë punë me cilësi të lartë dhe u shërbejmë komunitetit që përfaqësojmë, palëve të interesit dhe stafit me dinjitet dhe respekt.
Transparenca
Ndajmë hapur programet, financat dhe rezultatet tona me komunitetet, partnerët dhe donatorët, dhe e përfshijmë stafin tonë në planifikimin strategjik.
Puna në ekip
E vlerësojmë punën në ekip dhe ndërtojmë një mjedis mbështetës për rritjen e stafit dhe partnerëve tanë.
Inovacioni
Synojmë të sjellim ide, metoda dhe shërbime të reja në punën tonë për ta bërë jetën më të lehtë për bazën tonë, palët e interesit dhe stafin.















































































